Азия ойындарының чемпионы лауазымды қызметке тағайындалды

Облыстық мамандандырылған балалар мен жасөспірімдер жекпе-жек спорт мектебінің басшысы болып Данияр Кәленов тағайындалды. Жерлесіміз ұлттық құрама сапында грек-рим күресінен жабық Азия ойындарының жеңімпазы атанған болатын.

СҚО спорт және дене шынықтыру басқармасының мәліметінше, Данияр Кәленов 1993 жылы Жамбыл ауданына қарасты Сәбит ауылының тумасы. Грек-рим күресінің шебері талай халықаралық жарыстарға қатысып, қанжығасын майлап жүрді. Биыл белгілі спортшы қаладағы спорт мектебінің бірін басқаратын болды. 

Данияр Кәленовке басқарма басшысы лауазымды қызметке тағайындалуымен құттықтап, жаңа жұмыс орнында сәттілік тіледі.