Жарияланған күні: 17.06.2026
СҚО құтқарушылары жоғалған адам тапты
СҚО-да жоғалған ер адамды іздеу жұмыстары сәтті аяқталды.
Петропавл қаласының Бірлік шағын ауданында ТЖМ құтқарушылары дронның көмегімен полиция қызметкерлерімен және еріктілермен бірлесіп, үйінен шығып кетіп, қайта оралмаған 1957 жылы туған ер адамды іздестіру-құтқару жұмыстарын жүргізді.
Іздестіру шаралары барысында құтқарушылар ер адамды Березовка ауылынан шамамен 1 шақырым және оның тұрғылықты жерінен 6 шақырым қашықтықтағы орман алқабынан тапты. Айтарлықтай қашықтық пен жер бедерінің күрделі жағдайына қарамастан, іздестіру операциясы сәтті аяқталды. Табылған ер адам медициналық көмекке мұқтаж болмай шықты.