СҚО-да МӘМС жүйесінде сақтандырылмағандар саны 65 мыңнан асады

СҚО-да жыл басынан бері МӘМС жүйесіне халықты көптеп тарту мақсатында Д және Е санаттарына жатқызылғандарды қаржыландыруды жергілікті атқарушы орган  өз міндетіне алды. Нәтижесінде біршама облыс тұрғыны уақытша жеңілдік санатына кіріп, МӘМС-тегі медициналық қызметтерге көмек алуға мүмкіндік алды. 

«ӘМСҚ» КЕАҚ СҚОФ ақпаратынша, маусым айындағы жағдай бойынша Солтүстік Қазақстан облысының емханаларында 516 627 адам тіркелген, оның ішінде 65 мыңнан астамы МӘМС жүйесінде сақтандырылмаған.

Айта кетейік, қор Солтүстік Қазақстан облысында 44медициналық ұйыммен келісімшарт жасасқан. Олардың әрқайсысында пациенттерді қолдау қызметтері жұмысістейді, онда әркім туындаған мәселелер бойынша көмекпен кеңес алуға құқылы.