Есіл ауданында абаттандыру жұмыстары жүргізілуде

Есіл ауданының Явленка ауылында «Таза Қазақстан» республикалық экологиялық акциясы аясында шаруашылық тәсілмен жаңа саябақ абаттандырылды. Осындай игі бастамалар Бұлақ, Николаевка және Заградовка ауылдарында да жүзеге асырылуда.

Жұмыс сапары барысында облыс әкімі Явленка ауылындағы сумен жабдықтау жобасының іске асырылу барысымен танысты. Қазіргі таңда қысымды реттеу құрылыстарының алаңы қайта жаңғыртылып, таза су резервуарлары мен сорғы станциясына реконструкция жүргізілуде.

Сонымен қатар ұзындығы 19 шақырымды құрайтын ауылішілік су құбыры желісі салынуда. Бүгінгі күні оның 15 шақырымы тартылып, құрылыс жұмыстары жоспарлы түрде жалғасуда.