Жарияланған күні: 25.07.2026
Петропавлда «Qyzyljar Сабантой» мерекесі тойланады
Шілденің 26-сі күні, яғни жексенбі Петропавлда «Qyzyljar Сабантой» мерекесі тойланады. Мерекелі шара қаламыздың бас алаңында аталып өтіледі.
СҚО мәдениет, тілдерді дамыту және архив ісі басқармасының мәліметінше, театрландырылған ашылу салтанаты, өнерпаздардың жарқын қойылымдары, ұлттық әндер мен билер, белгілі қазақстандық «Алатау серілері» этно-фольклорлық тобы, Қазақстан Республикасының Халық әртісі Роза Рымбаева, «Мәңгілік» би ансамблі, сондай-ақ Қазақстан мен Татарстан Республикасының танымал өнерпаздарының қатысуымен өтеді.
— Мерекелік көңіл күй, әсем әуендер, ұлттық нақыш пен ұмытылмас әсерлер — мұның барлығы Qyzyljar Сабантой – 2026 қонақтарын күтеді! — делінген хабарламада.