Түскейден теріскейде 654 отбасы қоныстанды

СҚО-да оңтүстіктен солтүстікке қоныс аударуға бағытталған бағдарлама 96 пайызға орындалды. Бүгіннің өзінде теріскеге 654 отбасы қоныс аударды.

Жәнібек Мәменов отбасымен бірге Солтүстік Қазақстан облысына өмір сүру және жұмыс істеу үшін жақсы мүмкіндіктер іздеп көшіп келді. Бүгіндері ол Новоишимское ауылындағы теміржол станциясында персонал жөніндегі менеджер болып жұмыс істейді. Солтүстік климаттың салқын болуына отбасы тез үйренген дейді. Жәнібек жаңа орынға үйреніп, таныстарына қоныс аудару бағдарламасы туралы айта бастады.

— Мен Солтүстік Қазақстанды өзімнің туыстарыма, достарыма үнемі жарнамалаймын. Кейбіреулер бұл жерге көшуді қалайды. Мен шамамен 200 отбасыға бұл жерге көшуге көмектестім. Менің үш балам бар. Екі қыз, бір ұл. Аудандағы қазақ мектебінде оқиды. Әйелім аудандық орталық ауруханаға жұмысқа орналасты, — дейді қоныс аударушы.

Жыл басынан бері Солтүстік Қазақстан облысына қоныс аударған 654 отбасыдан басқа этникалық қазақтардың 48 отбасы келді. Барлық қоныс иелері мемлекеттік қолдауға ие болады. Оларға көшуге бір реттік төлемдер, тұрғын үйді жалға алуға субсидиялар және коммуналдық қызметтерді төленеді. Сондай-ақ жұмысқа орналасуға көмектесу де кіреді. Бұдан басқа, қоныс аударушыларға жеке тұрғын үй сатып алуға көмектесетін 7 млн теңгенің экономикалық ұтқырлық сертификаты қолжетімді.

— Квотаға енген қоныс аударушылар тұрақты жұмыс орнына орналасуы тиіс және қоныс аударуға субсидия үш ай өткеннен кейін ғана, яғни зейнетақы аударымдарына сәйкес төленеді. Одан әрі, тұрақты жұмысқа орналасқанда 6 ай өткен соң тұрғын үйді жалға алады және экономикалық ұтқырлық сертификатын 12 ай өткеннен кейін ала алады, — дейді СҚО Еңбек ұтқырлығы орталығы директорының орынбасары Алмагүл Рамазанова.

Биыл өңірге келген еңбекке қабілетті қоныс аударушылардың 52% жұмыс тапты. Барлығы Солтүстік Қазақстан облысы 2026 жылы оңтүстік өңірлерден 800 отбасы мен этникалық қазақтардың 65 отбасын қабылдауға дайын.