Петропавлда заңсыз алкоголь темекіні сақтау фактісі анықталды

Петропавлда полицейлер акцизсіз темекі мен алкоголь өнімдерінің ірі партиясын сақтау фактісін тіркеді.

Полиция департаментінің баспасөз қызметінің хабарлауынша, міндетті түрде таңбаланбаған темекі өнімдерінің ірі партиясы мен спирт иісі бар сұйықтық сауда үйлерінің біріндегі қойманы тексеру барысында табылған.

Полиция ғимаратты 54 жастағы азаматтың жалға алғанын анықтады. Тексеру барысында 30 қорап темекі өнімдері тәркіленді. Барлығы 1500 блок немесе 15 мың қорап міндетті таңбалаусыз темекі. Бұдан басқа, полицейлер өзіне тән спирт иісі бар сұйықтығы бар 36 бес литрлік пластикалық ыдысты тәркіледі. Жалпы көлемі — 180 литр.

Жиналған материалдар процессуалдық шешім қабылдау үшін уәкілетті мемлекеттік органға берілді.

Жыл басынан бері облыс бойынша қоғамдық орындарға мас күйінде келгені немесе қоғамдық орындарда спирттік ішімдіктер ішкені үшін 7018 адам әкімшілік жауапкершілікке тартылды.

Алкоголь өнімдерін сату ережелерін бұзғаны үшін 152 құқық бұзушы жазаланды. Тағы 166 — алкоголь өнімін заңсыз сатқаны үшін. Этил спиртінің айналымы саласындағы бұзушылықтар үшін төрт адам жауапкершілікке тартылды.

Заңсыз айналымнан 7600 литрден астам алкоголь өнімі алынды.