СҚО-да 512 килограмм есірткі тәркіленді

СҚО полицейлері жарты тоннадан астам есірткі тәркіледі. Бұл туралы құқық қорғау қызметкерлері журналистерге брифингте айтып берді.

2026 жылдың тоғыз айында өңір аумағында есірткі құралдарының заңсыз айналымына байланысты 217 қылмыстық құқық бұзушылық фактісі анықталды.

Олардың ішінде Қазақстан Республикасы Қылмыстық кодексінің 297-бабында көзделген есірткі құралдарын өткізудің 102 фактісі бар. Қылмыстық кодекстің 296-бабының 4-бөлігінде көзделген есірткі құралдарын аса ірі мөлшерде сақтаудың 9 фактісі. 94 қылмыстық теріс қылық жасап, есірткі заттарын контрабандалаудың 3 фактісінің жолын кесілді.

Бұдан басқа, жедел-iздестiру iс-шараларының нәтижесiнде Ақмола және Алматы облыстарының аумағында орналасқан есiрткi құралдарын өндiру жөнiндегi екi жасырын есiрткi зертханасы жойылды.

Заңсыз айналымнан 512 килограмм 800 грамм есірткі тәркіленді. Соның ішінде 9 келісі синтетикалық есірткі.

— Нашақорлық пен есірткі құралдарының заңсыз айналымы бүгінгі таңда қоғамдық қауіпсіздікке төнген ең өзекті қатерлердің бірі болып отыр. Жаңа психобелсенді заттардың таралуы ерекше алаңдаушылық туғызады. Олардың көпшілігі жеткілікті зерттелмеген, сондай-ақ интернет желісі мен әлеуметтік желілерді оларды жарнамалау, өткізу және азаматтарды, ең алдымен жастарды заңсыз қызметке тарту үшін пайдалану, — деп түсіндірді СҚО ЖП КҚІҚБ аға жедел уәкілі полиция капитаны Зарина Попова.

Жыл басынан бері облыста түрлі форматтағы 1000-ға жуық алдын алу іс-шаралары өткізілді. Олар жалпы білім беретін мектептердің 65 мыңға жуық жоғары сынып оқушыларын, колледждер мен ЖОО студенттерін қамтыды. 

Полицейлер есірткі тұтынудың нақты салдарын, тыйым салынған заттарды сақтау және сату үшін жауапкершілікті түсіндіреді. Сондай-ақ интернеттегі жеңіл қосымша жұмыс туралы ұсыныстар қаупі бар. Жастарды жылдам табыс туралы хабарландыру арқылы есiрткiнi таратуға тарту схемаларына ерекше назар аударылады. 

— 2018 жылдан бастап қамқор азаматтардың қолдауымен Солтүстік Қазақстан облысында жасалатын деректі фильмдерге тоқталғым келеді. Бұл нашақорлық проблемасын шынайы адам тағдыры арқылы көрсетуге мүмкіндік беретін профилактикалық жұмыстың ерекше форматы. Фильмдерде есірткі құралдарын таратқаны үшін сотталған адамдар, есірткі бизнесіне тартудың салдары, қираған отбасылар және есірткі тұтынуға байланысты қайғылы оқиғалар туралы баяндалады. Біз тек статистиканы және құқықтық салдарды ғана емес, есірткінің адамның өміріне, оның жақындары мен айналасындағыларға қалай әсер ететінін де көрсету маңызды деп санаймыз. Жиынтығында деректі фильмдер интернет кеңістігінде шамамен 3 миллион рет көрілім жинады, — дейді Зарина Попова.