Петропавлда 86 жастағы кейуананы көлік қақты: Зейнеткер оқиға орнында мерт болды

Петропавлда жол-көлік оқиғасы салдарынан 86 жастағы кейуана қайтыс  болды. Ол көшені жолдың рұқсат етілмеген жерінен кесіп өтіп бара жатқан кезде көлік қаққан, деп хабарлайды тілшіміз.

Жол-көлік оқиғасы кқшедегі бейнебақылау камераларына түсіп қалған. Және жазбасы әлеуметтік желіде тарады.

Куәгерлердің айтуынша, жүргінші автокөліктің алдынан атып шыққан. Ал  жүргізуші темір тұлпарын тоқтатып үлгере алмаған. .

Аталған фактіге қатысты СҚО ПД баспасөз қызметі түсінік берді.

14 қыркүйек күні сағат 14:48 шамасында Петропавл қаласының 60 жастағы тұрғыны Интернациональная көшесінде Mitsubishi Montero Sport автокөлігін басқарып келе жатып, алдын ала болжам бойынша жолдың рұқсат етілмеген жерінен өтпек болған жаяу жүргіншіні қағып кеткен.

Жол-көлік оқиғасы салдарынан 86 жастағы әйел оқиға орнында көз жұмды. 

«Қазіргі уақытта Петропавл қаласы полиция басқармасының қызметкерлері қажетті сараптамалар тағайындау және түпкілікті процестік шешім қабылдау үшін материал жинап жатыр. Анықтау жұмыстары жүргізіледі», — делінген баспасөз қызметі таратқан хабарламада.