Қар тазалайтын техникалар алдағы маусымға дайын

Петропавл жолдарын қыста қардан тазалайтын техникалар алдағы маусымға сақадай сай. Олардың дайындығын облыс әкімі Ғауез Нұрмұхамбетов тексерді, деп хабарлайды тілшіміз.

Облыс орталығында қар тазалауға барлығы 300 дейін техника жұмылдырылатын болады.

«Қарды шығаруға жауапты мердігерлермен кездестім. Қыста көшелерді тазалау кезінде үйлесімді және жедел жұмыстың маңыздылығын атап өттім. Тұрғындардың қолайлығы мен қауіпсіздігі үшін көшелер мен жаяу жүргіншілер жолына құм-тұз қоспасы және реагенттер себуді әрдайым жүргізіп тұру керек»,- деп жазды өңір басшысы Ғауез Нұрмұхамбетов әлеуметтік желідегі парақшасында.