Жарияланған күні: 07.04.2025
Құс фабрикасында қоспажем цехі іске қосылды
«Якорь құс фабрикасы» құсқа арналған жем өндіру үшін қоспажем цехін іске қосты. Жаңа өндірістің жұмысымен СҚО әкімінің бірінші орынбасары Марат Тасмағанбетов танысты.
Бұл жобаға кәсіпорын 650 млн теңге инвестиция құйды. Жаңа қоспажем цехінде Германиядан әкелінген заманауи қондырғы орнатылған, бұл өнімнің жоғары сапасын қамтамасыз етеді. Цехтың қуаты жылына 20 мың тонна құрайды, бұл құс фабрикасының қажеттіліктерін толық жабады және сала тұрақты дамуына ықпал етеді. Айта кетейік, былтыр «Якорь құс фабрикасы» 100 миллионнан астам жұмыртқа өндірді.