СҚО-да 51 инвестициялық жоба жүзеге асырылмақ
Облыстық әкімдікте Мемлекет басшысының Жолдауын іске асыру жөніндегі Жалпыұлттық іс-шаралар жоспары талқыланды. Сондай-ақ өңірдегі жылу маусымына дайындық мәселелері сөз болды.
Ауыл шаруашылығы кешенін дамыту: Біздің облыс алдыңғы қатарлы аграрлық аймақ болып табылады. Бүгінгі міндетіміз – ауыл шаруашылығы өнімдерінің әртараптандырылуын төмендетпей, тиімділігін арттыру. Мемлекет Басшысының тапсырмасы бойынша ауыл шаруашылығының жалпы өнімін екі есеге арттыруға бағытталған инвестициялық жобалар жүзеге асырылуда.
Экономиканың дамуы инвесторларға қолайлы жағдай жасауға тікелей байланысты. Жалпыұлттық инвестициялық жобалар пулына СҚО-ның 51 жобасы енді. Бүгінде арнайы экономикалық аймақ қарқынды дамуда. Үкімет қолдауымен Тайынша ауданы мен Ғ.Мүсірепов атындағы ауданда екі жаңа қосалқы аймақ ашылды.
Цифрландыру және жасанды интеллект: Бұл — барлық салаларды қамтитын негізгі бағыт. Өңірде Цифрландыру офисі құрылып, СҚО цифрлық даму стратегиясы мен оны жүзеге асырудың жол картасы дайындалды. Осы бағыттағы жұмыстар жеделдетілетін болады. Сонымен қатар, алдағы жылыту маусымына дайындық мәселесі қаралды.
Мемлекет басшысының тапсырмасына сәйкес, жылу жүйелерінің үздіксіз және сенімді жұмыс істеуін қамтамасыз етуге бағытталған жүйелі дайындық жұмыстары жүргізілуде. ЖЭО-2 станциясы белгіленген талаптарға сәйкес жөнделіп, қысқы кезеңде тұрақты жұмысқа дайын. Облыс бойынша қазандықтар алдағы маусымға дайындалды, әлеуметтік маңызы бар нысандарда дайындықты аяқтады.