СҚО балуаны — «сарықұрлықтың» қола жүлдегері

Грек-рим күресінен Қазақстан құрамасының спортшысы Ислам Евлоев Қырғызстанның Бішкек қаласында ұйымдастырылған Азия чемпионатында қола жүлдегер атанды.

Солтүстік Қазақстан облысының азаматы 97 келіге дейінгі салмақта сынға түсті. Жерлесіміз қола жүлде үшін өткен кездесуде Оңтүстік Корея спортшысы Минхо Лиді мерзімінен бұрын жеңді.

Бастапқы кезеңнен бастап Евлоев бірнеше нәтижелі әдісті орындап, басымдық танытты. Осы нәтижемен Ислам Евлоев Азия чемпионатының қола жүлдегері атанды.