Жарияланған күні: 25.05.2026
Жерлесіміз Ислам Евлоев алтыннан алқа тағынды
Въетнамның Дананг қаласында күрес түрлерінен жастар арасындағы Азия чемпионаты басталды. Бұл туралы ҰОК хабарлады.
Алғаш болып бозкілемге грек-рим күресінің шеберлері шықты. Қазақстан құрамасы екі алтын, үш күміс және бір қола медаль жеңіп алды.
Айбек Айтбеков (60 келіге дейін) және Ислам Евлоев (97 келіге дейін) алтыннан алқа тақты.
Ибрахим Нұрмұхаммед (72 келіге дейін), Әлихан Дурсунов (77 келіге дейін), Джохар Узаров (130 келіге дейін) күміс медаль еншіледі.
Ал Кирилл Минько (82 келіге дейінгі) қола медальға ие болды. Айта кетейік, жастар арасындағы Азия чемпионаты 1 маусымға дейін жалғасады.