Маусымның 13-і мен 16-сы күндері аралығында Венгрия астанасы Будапешт қаласында өткен кикбоксингтен Әлем кубогында солтүстікқазақстандық спортшылар қатысты. СҚО полиция департаментінің қызметкері Нұрсұлтан Жақыпов байрақты бәсекеде үшінші орынға ие болды. 

Жарысқа 50 елден 750-ге жуық спортшы қатысты. Қазақстан құрамасының қоржынына медальдардың бірін осы спорт түрінен түрлі жарыстардың бірнеше дүркін жүлдегері, полиция аға лейтенанты Нұрсұлтан Жақыпов әкелді. Ол 86 кг. салмақ дәрежесінде өнер көрсетті. Жерлесіміз Словения мен Түркиядан келген спортшылардан басым түсті.

Туған жеріне оралған спортшыны СҚО ПД бастығы полиция генерал-майоры Айдын Қабдұлдинов қабылдап, жаңа жетістігімен құттықтады.

Айыртау ауданында 57 ірі қарадан бруцеллез анықталды