М.Қозыбаев атындағы Солтүстік Қазақстан университетінің қабырғасында «Мектепке жол» акциясы өтті. Аталған жоғары оқу орны екі отбасына материалдық көмек көрсетіп, ал 9 отбасынан шыққан 21 балаға кеңсе тауарлары салынған рюкзактар мен спорт дүкеніне сертификаттар табыстаған. Жыл сайынғы іс-шара жаңа оқу жылына дайындық кезеңінде халықтың әлеуметтік осал санатындағы балаларға көмек көрсетуге бағытталған. 

Бұл акцияға қатысу үшін мұқтаж ата-аналар өз білім беру ұйымдарындағы әлеуметтік педагогтарына жүгінуге тиіс, ал олар өз кезегінде тізімдерді дайындап, тиісті мекемелерге жібереді.

Қайырымдылық акциясы қатысқандардың бірі – Баталовтар отбасы. Виталий мен Светлана көптеген жылдар бойы аталған университетте жұмыс істеп келеді. Бүгінде 5 бала тәрбиелеп отырған отбасына қандай да көмек артық етпейді.

— Басшылыққа үлкен алғыс айтамыз, әрдайым қол ұштарын созып, көмек көрсетуге дайын тұрады. Енді міне, мектепке толығымен рюкзак жинап берді. Бұл біз үшін үлкен қолдау, –  деді Светлана Баталова.

Жалпы «Мектепке жол» акциясы аз қамтылған және көп балалы отбасылардан шыққан оқушыларды, жетім қалған балаларды және жаңа оқу жылына дайындықта ата-анасының қамқорлығынсыз қалған балаларды материалдық қолдауға бағытталған.

СҚО әкімі жаңа шағынаудандағы үйлердің сапасын көрді