Гербицидтерді ұрлағандар ұсталды
СҚО ПД ұйымдасқан қылмысқа қарсы іс-қимыл басқармасының қызметкерлері Жамбыл ауданының ауыл шаруашылығы кәсіпорындарының бірінде ірі көлемдегі гербицидтерді ұрлаған күдіктілер ұсталды.
Жеке кәсіпкерден ірі көлемде гербицидтер ұрланғаны туралы білген полицейлер жедел іздестіру шаралары нәтижесінде ұрлыққа барған күдіктілерді анықтап, ұстады.
Тамыз айының басында аудан аумағында тәртіп сақшылары облыс прокуратурасымен және 6637 әскери бөлімінің «Б» тобының қызметкерлерімен бірлесіп, 29 жастағы петропавлдық басқарған «Toyota Prado» автокөлігін тоқтатты. Автокөліктен жалпы көлемі 200 литр болатын 40 канистр гербицид алынды.
— Қызылжар ауданындағы қоймадан тағы бір партия табылды, ал Петропавл қаласындағы жалға алынған автотіркемеден қызметкерлер ұрланған гербицидтерді құю үшін дайындалған бос канистрлерді тәркіледі. Ұрлық сериясын тікелей жасады деген күдікпен кәсіпорынның 31 жастағы қызметкері ұсталды. Ұрланған гербицидтердің жалпы көлемі 460 литрді құрады. Ауыл шаруашылығы кәсіпорнына келтірілген залал сомасы 7 миллион 600 мың теңгеге бағаланды, — дейді СҚО ПД бастығының орынбасары Асқар Мұхаметқалиев.
Ірі көлемде бірнеше рет ұрлық жасағандығы үшін 7 жылға дейін бас бостандығынан айыруға кесіледі. Ұрланған мүлік тергеу әрекеттері аяқталғаннан кейін заңды иесіне қайтарылады.