Шайбалы хоккейден ел чемпионаты басталды. Петропавлдағы Спорт сарайында «Құлагер» клубы біріншіліктің алғашқы екі ойынын «Алматы» командасына қарсы өткізді. Чемпионаттың алғашқы ойынын тамашалауға облыс әкімінің орынбасары Қанат Дүзелбаев келді.

Бірінші кездесуде жерлестеріміз қарсыластарына овер-таймда есе жіберді. Матч 2:3 есебімен алматылықтар пайдасына шешілді. Қарымта ойында «Құлагер» хоккейшілері есесін қайтарды. Қос клубтың ойыншылары аянып қалмай, 9 шайба қақпадан табылды. Оның 6-уын солтүстікқазақстандықтар соқса, 3-уін қонақтар нысанаға дәл бағыттады.

Қорытынды есеп 6:3, жеңіс қызылжарлықтар еншісінде.

Бірлік шағынауданында полиция пункті ашылды