СҚО полициясында кадрлық ауыс-түйіс
Петропавл қаласы полиция басқармасы бастығының бірінші орынбасары лауазымында болған полиция подполковнигі Әлібек Ғабдуллин енді СҚО ПД жергілікті полиция қызметі басқармасын басқаратын болады.
Әлібек Ғабдуллин ішкі істер органдарында 2002 жылдан бастап қызмет етеді, ҚР ІІМ Қостанай заң институтын бітіріп, учаскелік полиция инспекторынан қызметтің барлық сатыларынан өткен.
Оның орнын полиция майоры Қайырбек Баймонкенов басты. Ол оған дейін Петропавл қ. ПБ жедел басқару орталығының бастығы қызметін атқарған.
Қайырбек Баймонкенов 2009 жылдан бастап қызмет етеді, 2013 жылы Шымкент қаласындағы ҚР ІІМ Оқу орталығының тыңдаушысы болған, полициядағы жұмысын кәмелетке толмағандар жөніндегі учаскелік инспектор қызметінен бастады.
Мағжан Жұмабаев ауданының полиция бөлімінің бастығы болып Жамбыл ауданының ПБ бастығы лауазымын атқарған полиция полковнигі Мейрамов Асан Қайдарұлы тағайындалды.
Асан Мейрамов ІІО-да 1996 жылдан бастап қызмет етеді, басшы лауазымдарғаа дейін 15 жыл бойы жедел жұмыспен айналысқан.