Футболдан ел біріншілігі аясында жергілікті «Қызылжар» клубы өз алаңында шымкенттік «Ордабасы» командасын қабылдады. Кездесу қонақтардың пайдасына шешілді.

Бірінші тайм басталысымен шымкенттік аяқдопшылар шабуылдауға кірісті. Қонақтар көпке дейін жерлестеріміздің қақпасынан алыстаған жоқ. Қауіпті соққылармен «Қызылжар» қақпашысын әбігерге салды. Әйтеуір ойынның бірінші бөлімі 0:0 есебімен аяқталды.

Матчтың екінші бөлімінде де «Ордабасы» клубының ойыншылары шабуылдармен бастады. Жерлестеріміз болса, қорғанысқа көбірек көңіл бөлді. Десе де, қонақтар кездесудің 81-ші минутында дегендеріне жетіп, 0:1 есебімен қажетті үш ұпайларын еншіледі.

Стартап-жобалар байқауына қатысқандар ақшалай сертификаттарға ие болды