Облыс орталығында «Дара» орталығы ашылды
Петропавлдағы балаларға арналған «Дара» білім беру орталығы ашылды. Бұған білікті мамандар «Даму» қорының қолдауымен қол жеткізіп отыр. Жаңа орталық 200-ге тарты баланы қамтымақ.
Білім беру орталығына мектепке дейінгі жастағы балалар келіп, орта білім ордасына дайындықтан өтпек. Бұған дейін де бұл орталық жұмыс істеген. Десе де, бұрынғы ғимарат тар болған соң, мекеменің ұжымы кең әрі жайлы нысанды сатып алды.
Орталықта балалар қазақ тілінде білім алмақ, Бір жастан 3 жасқа дейінгі балаларға арналған сабақтар, сонымен қатар мектепке дайындық және бастауыш сынып оқушыларына арналған топтар да қарастырылған.
Орталық директоры Гүлайым Жұмағұлованың айтуыншағ «Даму» қорының қолдауымен орталыққа «Халық банкімен» несие берілді,
— Біздің орталық көп жылдар бойы жұмыс істейді. Барлық сапа стандарттары бойынша сертификаттарымыз бар. Балаларымыз жақсы білім алуға мүмкіндіктері бар. Мамандарымыз да кәсіби тұрғыдан өте білікті қызметкерлер, — дейді Гүлайым Жұмағұлова.
Орталықта логопед жұмыс істеп, балалардың шет тілін меңгеруге мүмкіндіктері бар. Жаңа бағыт – Монтессори әдістемесі бойынша бүлдіршіндерді ерте дамыту да қарастырылған.
Жалпы балаларға 7 педагог сабақ береді, олар Астана, Мәскеу, Санкт-Петербург қалаларында білімдерін жетілдіріп келді.