«Қазгидромет» мамандары желтоқсан айында болатын ауа райының болжамын шығарды. Синоптиктердің мәліметінше, СҚО-да алдағы уақытта қар жауып, сынап бағанасы -37 градусқа дейін төмендемек.

Синоптиктер желтоқсан айында Қазақстан бойынша қар жиірек жаууы ықтимал екенін айтуда. Салдарынан ұсақ бұрқасын боранға ұласады.

— Теріскейде алғашқы онкүндікте ауа температурасы түнде -23-ке дейін төмендеуі мүмкін. Ал күндіз кей кездері +1 градус жылыдан -13 градусқа дейін суытуы ықтимал. Ал айдың ортасында үнде -37 градус аяз болады деп болжанып отыр. Күндізгі уақытта -25 градус суық болады. Айдың соңында аяздың беті қайтады, — деп болжауда мамандар.