СҚУ базасында Қытай мен Қазақстанға ортақ орталық құрылады
Қазақ-Қытай Іскерлік кеңесі аясында Мемлекет Басшысы Қасым-Жомарт Тоқаев пен ҚХР Мемлекеттік кеңесінің бірінші вице-премьері, ҚКП ОК Саяси бюросының тұрақты комитетінің мүшесі Дин Сюэсянның қатысуымен корпорациямен бірлесіп, М.Қозыбаев атындағы Солтүстік Қазақстан университетінің базасында ғылыми Аграрлық Орталық құру жөнінде Меморандумға қол қойылды.
Қол қойылған меморандум СҚУ-дың «Айцзю»корпорациясы және Қозыбаев университетімен 2017 жылдан бері әріптестік орнатқан Қытайдың солтүстік-батыс ауыл және орман шаруашылығы университетімен бірегей ғылыми-білім беру серіктестігін дамыту үшін негіз болмақ.
Келешекте озық агротехнологияларды енгізу, жоғары білікті мамандарды даярлау, инвестициялар тарту және Қазақстанның аграрлық секторының халықаралық деңгейде бәсекеге қабілеттілігін арттыру үшін платформа құрылады.