Петропавлда Волонтерлер күніне орай фестиваль өтті

Қалалық мәдениет үйінде «Қызыл Ай» қоғамының СҚО филиалы ТЖД-мен  бірлесіп, Халықаралық волонтерлер күніне арналған фестиваль ұйымдастырды. Іс-шараға денсаулық сақтау мен білім саласының қызметкерлері, студенттер және мемлекеттік органдардың қызметкерлері қатысты. Фестиваль барысында ең белсенді азаматтар түрлі марапатқа ие болды. 

Бұл фестиваль дәстүрлі түрде жыл сайын ұйымдастырылады. Биылғы іс-шараға 160-қа жуық адам қатысты. Олардың 40-қа жуығы «Қызыл Ай» қоғамының алғыс хаттарымен марапатталды. Ұйымдастырушылардың айтуынша, бұл мерекенің маңызы ерекше. Негізгі мақсат — қоғамға үлес қосқан еріктілердің еңбегін ескеру.

Еріктілер – жүрек қалауымен, өз еркімен көмекке мұқтаж жандарға қайырымдылық қолдау көрсететін азаматтар.