Облыста алғаш рет дауыс беретіндердің саны 4 мыңнан асады

Биыл республикалық референдумда алғаш рет 4 145 адам дауыс бермек. Бүгіндері облыста барлық учаскелер дайын. Ертең ел көлемінде тыныштық күні болса, жексенбі қазақстандықтар сайлауға қатыспақ. 

СҚО аумақтық референдум комиссиясының мәліметінше, барлығы осы жолғы референдумға 364 767 азамат тізімге енгізілген, оның ішінде 4145 — алғаш рет дауыс беретін азаматтар. Петропавл қаласында 157 493 дауыс беруші азамат тіркелген.

— Облыста екі мыңға жуық мүгедектігі бар адам референдумда дауыс береді. Олар денсаулығына байланысты референдум учаскесіне келе алмаса, үйлерінде өз таңдауын жасауға мүмкіндік жасалады, — дейді облыстық сайлау комиссиясы таратқан ақпаратта.