СҚО және Петропавл әкімдері тұрғындармен кездесті

Петропавлдағы Оқушылар сарайында облыс және қала әкімдері халық алдында есеп берді. Дәстүрлі шараға петропавлдықтар қатысып, көкейлерінде жүрген сауалдарын жолдады. 

Ашық диалог алаңына айналған Оқушылар сарайында қала әкімі есеп беріп, жыл бойы атқарылған жұмыстарды СҚО әкімі қорытындылады. Шара барысында өңір орталығының азаматтары толғандыратын өзекті мәселелерді талқылап, пікір алмасып, алдағы міндеттер айқындалды.

— Бүгінде Петропавл қаласы қарқынды дамып келеді — инфрақұрылымды жаңғырту, абаттандыру және жайлы қалалық ортаны қалыптастыру бағытында жүйелі жұмыстар жүргізілуде.Бұл қарқынды алдағы уақытта да сақтайтын боламыз. Атқарылып жатқан барлық жұмыс тұрғындардың өмір сапасын арттыруға бағытталған. Қаланы дамыту жұмыстары жаңа Конституцияда айқындалған басымдықтарға сәйкес жалғасады,- деді өңір басшысы.