Петропавл қаласында кәріз коллекторы жарылды

Петропавлда негізгі кәріз коллекторларының бірі жарылды. Салдарынан су осы  маңдағы көпқабатты тұрғын үйлердің жертөлелеріне кірді, деп хабарлайды тілшіміз.

Апат кеше кешкісін  Абай және Әуезов көшелерінің қиылысында болған.  Салдарынан Абай көшесін су басып, жақын маңдағы көпқабатты үйлердің жертөлелеріне де кірген.

«Қызылжар Су» ЖШС баспасөз қызметінің мәліметінше, апат болған жерге бірден 4 бригада жіберілді. Онда диаметрі 800 мм негізгі кәріз коллекторларының бірі жарылғандығы белгілі болды.  Жауаптылардың айтуынша ол 1966 жылы пайдалануға берілген. Яғни бүгінгі күні оның әбден тозығы жеткен.  Жаңарту жұмыстарын жүргізу жоспарланып отыр. Алайда әзірге ол үшін қаржының жоұтығы қолбайлау болып отыр.

Айта кету қажет  аталған кәріз коллекторы биыл мамыр айында да жарылған екен.  

Қазіргі уақытта оқиға орнында екі бригада жұмыс істеп жатыр.