Петропавлда «Жастар рухы» белсенділері экологиялық акция ұйымдастырды

«Жастар Рухы» жастар қанаты тарихи-мәдени нысандардың маңайын жинастыру бойынша акция өткізді. Петропавл қаласының «Qyzyljar-Art» орталығында белсенділер қоқыстарды, жапырақтар мен бұтақтарды жинап, жабдықты тасымалдауға қол қабыс етті, деп хабарлайды тілшіміз.  

«Qyzyljar-Art» орталығы — өңірдегі көрнекті және заманауи мәдениет нысандарының бірі. Жазда ашық аспан астындағы павильон көптеген келушілерді тарта отырып, көрме, концертпен мен мастер-класстар өткізуге арналған алаң болып табылады. Күн суытқалы ашық маусым аяқталды. Жастар қанатының мүшелері бастама көтеріп, павильон аумағын тазартуға, сондай-ақ жабдықтарды, орындықтар мен сөрелерді ауыстыруға көмектесті.

«Акция — жастардың аймақтың мәдени мұрасын сақтауға және өзгертуге қалай үлес қоса алатынының жарқын мысалы. Мұндай бастамалар басқа жастарды қоғамның дамуына белсенді қатысуға шабыттандырады. Өнер орталығының аумағы таза әрі тартымды болғанына қуаныштымыз. Келесі ашық маусымды асыға күтеміз», — деді «Жастар Рухы» ЖҚ Солтүстік Қазақстан облыстық филиалының төрағасы Біржан Құдайбергенов.

«Жастар Рухы» ЖК қамқорлығымен экологиялық акция бүгінде бүкіл республика бойынша барлық жерде өтуде. Бұл шара жұма күні жастар қанатының мүшелері «Жұмбақтас» жартасын және «Бурабай» мемлекеттік ұлттық табиғи паркінің аумағындағы басқа да нысандарды тазалаған кезде басталды. Сенбі күні «Жастар Рухы» белсенділері сарапшылармен және қоғам белсенділерімен бірге бүкіл ел бойынша ұлттық саябақтарға барып, «Аққайнар» петроглифтік кешеніне, «Тамғалы-Тас» шатқалына және басқа да нысандарға барды.