СҚО-дағы 446 мектептің сабағы онлайн форматта өтуде

Бүгін СҚО-да қашықтан оқу форматына 446 мектеп ауыстырылды. Бұл білім ордаларында 54749 оқушы оқиды. 

Облыстық білім басқармасы мамандары өңірде 458 білім беру мекемесі жұмыс істейтінін айтып, ауа райының суытуына байланысты оның 446-ы оқушыларды онлайн форматта оқытатынын жеткізді.

– Онлайн форматқа 446 мектеп ауыстырылды.  4 мектеп-интернат штаттық режимде сабақтарын өткізуде. Сондай-ақ 7 мектеп-интернат аралас форматта жұмыс істеп жатыр, – дейді СҚО білім беру басқармасының баспасөз хатшысы Әсел Оразбаева.