Петропавлда «Алаң» жобасы аясында «Жеңіс» БЖСМ-ның жаңа футбол алаңы қолданысқа берілді. Тың жобаның қатысушылары ретінде «Жеңіс» және «Қызылжар» мектептерінің жас футболшылары жиналды.

Айта кету керек, «Алаң» жобасы аясында ел көлемінде футбол алаңдары жаңартылып жатыр. Олардың бірі Петропавлдағы көгал екен. Салтанатты шараға облыстық дене шынықтыру және спорт басқармасының басшысы және «Алаң» жобасының жетекшісі қатысты.

— Петропавлдағы алаң «UEFA» талаптарына сай жаңартылды. Қақпалардың қауіпсіздігіне баса мән бердік. Ол да еуропалық стандартқа сәйкес келеді. Алаңның ұзындығын 95-тен 98 метрге, ал енің 6 метрге кеңейттік, — деді «ALAN» жобасының жетекшісі Сергей Попов.

Бұл жаңартылған алаңға дейін де Петропавлда тағы бір көгал жаңартылды. Бұл мақсатқа 153 млн теңге бөлніп, «Динамо» стадионында жасанды футбол алаңы пайдалануға берілді. Бүгін қолданысқа берілген шағын стадионның құны 177 млн-нан асады.

Петропавл тұрғыны 7 жылға сотталды