Петропавлдың көлік жүргізушілеріне құлаққағыс
Петропавл және Солтүстік Қазақстан облысының тұрғындарын полиция қызметкерлері ауа райына байланысты жолдардағы жағдайдың нашарлауы туралы ескертеді.
Полиция департаментінен хабарлағандай, жауын-шашын, көктайғақ және тұман болады.
9 қарашада түнде облыстың шығысы мен оңтүстігінде жаңбыр мен қар түрінде жауын-шашын, бұрқасын, көктайғақ болады. Күндіз солтүстікте, шығыста және оңтүстікте де жауын-шашын жауады, көктайғақ болады. Облыстың батысында, солтүстігінде және оңтүстігінде тұман болады.
Петропавлда жауын-шашын (жаңбыр, қар), көктайғақ және тұман күтілуде.
Полиция өңір тұрғындары мен қонақтарын өте мұқият болуға шақырады.
Жүргізушілер жылдамдық режимін, арақашықтықты сақтауы, кенеттен маневр жасамауы және жол жағдайларын ескеруі қажет. Жаяу жүргіншілерге жолды белгіленген жерлерде ғана кесіп өту ұсынылады. Тәуліктің қараңғы уақытында жарық қайтарғыш элементтерді пайдалану.

