Облыстық мемлекеттік қызмет істері жөніндегі департаментті қызметкерлері мемлекеттік қызмет көрсету мәселелері жөніндегі ведомствоаралық жұмыс тобының бастамасымен пандустардың бар-жоғын анықтау мақсатында мониторинг шараларын өткізді. Нәтижесінде 25 мемлекеттік мекеме жоспардан тыс тексерілді. Соның 19-ында заңбұзушылықтар анықталған.

— Ақжар ауданында төрт ауылдық округ әкім аппараты, Ақжар ауданы полиция бөлімі, Ақжар ауданының архивінде, Айыртау ауданы үш ауылдық округ әкімі аппараты ғимаратында, Есіл ауданы сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі, ветеринарлық станция, Явленканың №1 мектебі ғимаратында, Уәлиханов ауданы сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі, Ішкі саясат бөлімі, ауыл шаруашылығы бөлімі және М.Жұмабаев ауданы Полудинский, Чистовский ауылдық округтерінің әкім аппараттары, экономика және қаржы бөлімі ғимараттарында пандус болмады, — дейді Мемлекеттік қызмет істері агенттігінің СҚО бойынша департаменті мамандары.

Петропавлдағы СҚО бойынша Экология департаменті де талапқа сай болмады. Анықталған олқылықтарды жою мерзімін көрсете отырып, 19 мемлекеттік мекемеге ұйғарым шығарылды.

СҚО-да 4 халықаралық жол бекеті жаңартылады