Алматы облысында өткен «Ақ бидай» ойындары өз мәресіне жетті. Ауыл спортшыларын біріктірген спорттық шараға СҚО делегациясы да қатысты.

Биылғы жарысқа еліміздің 20 облысынан спортшылар қатысты. Олар спорттың 20 түрінен бақ сынады. Сайыс қорытындысы бойынша Түркістан өңірі жеңімпаз атанса, 2-ші орын Алматы облысына бұйырды. Үздік үштікті Батыс Қазақстан түйіндеді. Өкінішке қарай, жалпыкомандалық есепте СҚО атлеттері жүлдегерлер қатарынан көріне алмады.

Биылғы жарыста жерлестер топ жармаса да, спортшыларымыз 4 жылдан теріскей топырағында жеңіс биігінен көрінуден дәмелі.

«Ақ бидай» ойындарының салтанатты жабылу рәсімінде СҚО дене шынықтыру және спорт басқармасы басшысына спорттық мерекенің символы — туы табысталды. Осылайша, ойындардың келесі додасы теріскейде өтетіні белгілі болды.

М.Жұмабаев ауданында егіннің 50 пайыздан астамы бастырылды