СҚО -да ЖРВИ жұқтырғандардың жартысынан астамы балалар

Солтүстік Қазақстан облысындағы ЖРВИ жұқтыру фактісі өткен жылмен салыстырғанда  1,7 есеге өсті. Ал оның 65% балалар жұқтырған, деп хабарлайды тілшіміз.

Өткен 2022-2023жылдың эпидемиологиялық маусымында ЖРВИ-дің 53 557 жағдайы тіркелген. Былтырғы статистикамен салыстырсақ биыл вирус жұқтыру 1,7 есеге өскен. ЖРВИ -мен ауырып жатқандардың 65%-ы 14 жасқа дейінгі балалар.

«Маусымдық тұмау жұқтыру кезінде дене температурасы көтеріліп, құрғақ жөтел болады. Бас ауруымен, бұлшықеттер мен буындардағы ауырсынумен, қатты әлсіздікпен, тамақ ауруымен және мұрынның ағуымен сипатталады. Жөтел 2 апта немесе одан да көп уақытқа созылуы мүмкін».- дейді СҚО санитарлық-эпидемиологиялық бақылау департаменті басшысының орынбасары Арман Күшбасов