Қасым-Жомарт Тоқаев Вьетнамда Ұлт қаһармандары монументіне гүл шоғын қойды

Мемлекет басшысы Қасым-Жомарт Тоқаевтың Вьетнамға ресми сапары Ба Динь алаңындағы Ұлт қаһармандары монументіне гүл шоғын қоюдан басталды, деп хабарлайды тілшіміз  ҚазАқпарат сайтына сілтеме жасап.

1945 жылы 2 қыркүйекте Хо Ши Мин осы алаңда Вьетнамның тәуелсіздігін жариялады.

Президент Вьетнамның бостандығы үшін күресте қаза тапқан батырлардың және осы елдің ұлт көшбасшысы Хо Ши Миннің рухына тағзым етті.

Гүл шоғын қою рәсіміне Қазақстанның ресми делегациясы қатысты.

Айта кетейік, кеше Президент Қасым-Жомарт Тоқаев Вьетнам Социалистік Республикасына ресми сапармен барды.