Петропавлда «Мағжан орталығы» ашылды
Облыс орталығындағы орналасқан көпес Янгузаровтың үйінде «Мағжан орталығы» ашылды. Салтанатты шараға облыс әкімі Ғауез Нұрмұхамбетов, Премьер-министрдің орынбасары Ермек Көшербаев пен Ғылым және білім министрі Саясат Нұрбек қатысты.
Мемлекет басшысы Мағжан Жұмабаевты тек қазақ халқының ғана емес, бүкіл түркі жұртының мақтанышы екенін атап өтті. Отанға деген сүйіспеншілікке толы оның жырлары халқымыздың рухани қазынасының алтын қорына енді.
Мағжан орталығы – ғылыми зерттеулер, мәдени-ағартушылық жобалар мен шығармашылық бастамалар жүзеге асатын заманауи интеллектуалдық алаң болмақ. Бұл — Мағжанның бай мұрасын тану мен насихаттауға бағытталған маңызды қадам.
«Мағжан орталығының» ашылуы – рухани құндылықтарды сақтау, ұлттық мәдени бірегейлікті нығайту және Қазақстанның түркі әлеміндегі рухани-мәдени орталық ретіндегі рөлін арттыру жолындағы маңызды оқиға.