СҚО-да барлық бағыттағы жолдар жабылды

Солтүстік Қазақстан облысында ауа-райының  қолацсыздығына айланысты барлық бағыттағы жолдарда қозғалыс шектелді, деп хабарлайды  тілшіміз.

Төтенше жағдайлар департаменті баспасөз қызметінің мәліметінше, жолдарда қатты жел, көктайғақ, боран, көріністің нашарлауы сынды апатты-қауіпті жағдай қалыптасуда.

 Сағат 20.00-ден бастап  Есіл және Тайынша аудандарындағы автожолдар жабылды.

Бұған дейін республикалық маңызы бар Петропавл-Соколовка-РФ шекарасы, Петерфельд-Архангелька -Новокаменка, Көкшетау-Рузаевка, Екатеринбург-Алматы, Жезқазған-Петропавл, Мамлютка-Қостанай, Астана-Петропавл, Челябі-Новосібір жол учаскелеріндегі барлық көлік құралдары үшін қозғалыс жабылған еді.

Айта кетейік, Қазақстанның басым бөлігінде ауа райына байланысты  ескерту жарияланды.